قصيدة مؤمن القلب يالله

الشاعرة الملتاعة
يارب انا مالي سواك اترجاه         
          وانخاه لاشدت علّي الشدايد
لاقدار حكمك مؤمن القلب يالله        
           ولاني من اللي باعتراضه محايد
ابني تحت رحمتك يارب ترعاه        
           ابعزتك ورضاك ياخير رايد
ياشافيٍ يعقوب من عقب ماجاه        
           تشفي طلال من الذي فيه كايد
الله لايجزى حديدٍ شريناه        
           يومه تسبب في كثير الضهايد
لاعاده الله يوم هيهأت له مناه        
           فيها الثواني من نباها نكايد
همي ثقيل بشيلته ماقدرناه        
           والحزن في عمري مصابه تزايد
كني سوات اللي تصلب فممشاه        
           في حين شفته والعقل في شرايد
يافدوة امه عمري اليوم يفداه        
           ياعلني مفقد صويب الجرايد
رجيت منهو صوره ثم سواه        
           يحفظه من ويل القدر واللاهيد