ياصاحبي ابشرك عقب البطا قدني بخير

ياصاحبي ابشرك عقب البطا قدني بخير
اتابع اخبار العصر اسايره واواكبه

خليتني وانا رفيقك والرفيق اللي يغير
الصدة خير من العتب لاتنشغل بحكاك به
الوقت علمك الكبر ماتدري ان الله كبير
وان التواضع من سمة نبيك ووصاك به
والرزق ماهو في يدين الناس واكثرهم فقير
لو ان رزقك في يدين اغنى غني ماجاك به
فالشان وفعل ايمانا والعز والمال الوفير
اوضاعنا متخالفة وحظوظنا متراكبة
مالك رفيق إلا رفيق ذاخرك وانت الخشير
لو لحم كتفينه عشاك وتطلبه عشاك به
كم واحدٍ مافي يده مايشتري كوب العصير
مغنيه نفسه والقناعة والمراجل تاكبه
كم واحد إتكاثر فلوسه لكن مافيه خير
عليه ظلٍ من ظلال ذا الوجيه الساكبه
اللي تعلمك بفضل قدر الحشيم ان الحقير
مخوته مثل المرض لو طولت اعداك به
خلك على سجيتك والعز فال المستشير
الطيب بشت من لحقك من العرب غطاك به
واكبر دليل ان الامير اللي بما معنى امير
يمكن يشلونه لو ابشته على مناكبه
لاتتبع اهوائك ولو طال الزمن يبقى قصير
ماينكب نفوس الضعوف الا الشفوف الناكبه
الوقت علمك الكبر ماتدري ان الله كبير
وان التواضع من سمة نبيك ووصاك به

والرزق ماهو في يدين الناس واكثرهم فقير
لو ان رزقك في يدين اغنى غني ماجاك به