الطايش اللي محتمينه ماولوه

http://www.youtube.com/watch?v=uUI2r6MuRpc&feature=related

الطايش اللي محتمينه ماولوه
كل العيون اللي تحبه باعته
اغلى اشهوده ساع مابيع اجحدوه
وااوفى اشموعه يوم قفّا ماعته
يهل السخافه واللقافه جنبّبوه
خلّوه يخطي دامني شمّاعته
خلّوه يجمد ويتبعثر كل ابوه
مادامني في حكمه وفي طاعته
لانه خليط من التغاضي والنّبوه
ومواقفه تبنى على قناعته
قاسي ولو تضايقه ماقال اوه
وقساوته اخر دلع مياعته
مدّلعن خلقه وناسه دلّعوه
ونفسه ماتشبع به اليا جاعته
يغيب ويدري ان المخاليق افقدوه
ويرجع بصوتن جعلني ماناعته
فلابث رقمه شاشة الجوال اتوه
واقول ياربي تبارك ساعته
جوالي اليا دق وقال الوه
تذوب اذانّيي على سمّاعته
لبيه ياكلماته ولافضّ فوه
اموت في ضحكته واستمتاعته
لاتنشدوني ليه احبه انشدوه
حبه محبّبني سبب ودّاعته
من كثر مااحبه احب امه وابوه
بالمختصر احبهم جماعته