دخيلـكـ ( ضمني ) ..

دخيلـكـ ( ضمني ) ..

لاتعاتبني ترى ماجيتك أسـمع هـ الـملام
جيت أصحّي شمسي اللي وسط قلبك غافيه


جيت لك والبرد فيني كم تراجـف له عظام
جيت لك و أدري يدينك مثل ما هـي / دافيـه


يا موانـي فرحتي يا أول وآخـر غـرام
كل أنوار الأماني فـي غيابك طافـيه


و كل أحلام الثواني شوفتـك قبل الهـيام
يعلن اللي لك بـ قلـبي مـن أمـورٍ خافيـه


طفلتك بعدك وحيدهـ ضايعـه وسـط الزحـام
خايفـه تـسـأل ولا تلـقى إجابه شافـيه


تجلـس بـ ذاك المكـان اللـي حضنّـا قبـل عام
وطيفـك اللـي ما تـرك أحلامهـا المتجافيـه


مرّت الذكرى وخلّت قلبهـا يصبح حطام
والمواجع مرّته مثل الرياح السافـيه


إنتثـر دمـع الزوايا يوم نادت للغمام
ليه يهجرني وأنـا اللي مـن عرفته / وآفيه


ليه يسمح للعـواذل يفرحـون بـ هالخصام
ليه عكرّ كل حاجـه كانت أول صافـيه


و بعـد مازاد العنا والبـرد و ازداد الـظـلام
جات تهـس : غيبتـك واللي خلقني كافـيه


ماتشوف إن غيبتـك ماخلّـت بـ عينـي كـلام
ماتشوف إن السهـر ماخلى فيـني عافـيـه


ضمنـي مـادام جيتك خلني بـ قلـبـك أنام
وإذا سألتك الشمس / عني قل : تراها غافيه