روح في دربك وأقول الله معاك
صعب تفهني وأنا صعــــب أسمعك

التقينا بكل شي إلا هــــــــواك
واتخذت أصعب قــــرار أودعك

الغرور اللي سكن قلبك عمــــاك
تحسب أن الحب خاتم بأ صبعــــك

حبي الخايف رغم خوفه حمــــاك
وصدقي نزلنــــي ولكن طلعـــــــك

كنت أحسب أن الهوى كله وفاك
مطمعي حبك وحبي مطمعــــــــك

كنت أشوف الغيم يركض في سماك
وكنت أشوف الورد يتلاعــــب معك

كنت أشوف الشمس شمعه في ضياك
ومطلع أبيات القصايد مطلعــــــــك

كنت في عيني هوى روحي ملاك
صــــوّرك رب الخلايق وأبدعـــــــك

دوم تجرحني ومشيها معــــــــاك
دوم تنثرني وأنا دوم أجمعــــــــك

لان حبي كان أصــــدق من خطاك
كنت أنا أكبر من مجرد أخــــدعك

كنت أفكر كيف أنا أوصل رضاك
كنت أحاول في هواية أقنعــــــــك

لكــــــــن الأيام ورتنــــي قســــاك
ماقدرت أقول كلمـــــــه تمنعــــك

انتهى حبك وقلبــــي قد نســـــاك
ياخســــــــارة عمــــري اللي دلعك