كل ما اشوفك أبتسم من دون ما اشعر

كل ما اشوفك أبتسم من دون ما اشعر
واقــول في قلبي عسى الله يحفظك ليا
يـا اغلى البشـر خف علي والله ما اقدر
يكفيني محبة وغلا يكفيني حنيا

لا تندفع في غرامي لا تزيد اكثر
قلبي آمتلى من غرامك .. هدي شويه
من كثر ما احبك تخيل وتصور
أبيك وما ابي غيرك من الدنيا مو ليا

كل لحظة حبـك في داخلي يكبر
الله على احساسك وطيبك والرومانسية
غير الحلا والطيب تدري شي اللذي يبهر
انك بمعنى الكلمه يا اغلى الناس شخصية

حتى كلامـك لما تتكلم ترى سحر
بالذات لما تقـول وتتكلم بـعـفوية
الله لو تدري اش كثر يالغالي أتاثـر
لما تكلمني وإيدينك تحضن ايديا
غمض عيونك قرب إذنك راح اقولك سر
ما ابيك تزعل مني خل روحك رياضية
في ناس غيرك ساكنين بقلبي وانت حر
يشاركونك حبي ميه على ميه

حلوه ودام انك لا تكررها ولا تغتر
وقف قلبي بـ هالهكي يا مبيت النية
راضي انا لو شاركوني بحبـك وبفخـر
امك وابوك بنص قلبك وما بقى ليا