تعالي واسئلي قلبي وش اللي صـار بغيابـك

تعالي واسئلي قلبي وش اللي صـار بغيابـك
خناجر تطعن بصدري ولا ادري كيف اجنبهـا ..

دخيلك وش حصل مني عطيني هاتي اسبابـك
بـلا ترتيـب قوليهـا وانـا والله لارتبـهـا..

شتمتك؟!! ليتني اقدر انا لا شفتـك الهـى بـك
اسبك كيـف وعيونـك تضيعنـي حواجبهـا ..

ظلمتك؟!! مستحيل اني ظلمتك والغـلا يهابـك
قسم من زود ما احبك اسولـف للهوى جبهـا..

نسيتك؟!! لا حشى وربي ابد ما غابـت اطيابـك
اشم فـغـترتي عطـرك ودمـعٍ كـان يسكبهـا ..

خذلتك؟!! تبطي سنينك يا شيخه اعشق ترابـك
احبك وش بقى اكثـر تبينـي يعنـي اكتبهـا ..

كتبها قلب مغرم بك يعيش يموت يحيـا بـك
يشوفك ارض تسعى له ويمشي فـي مناكبهـا ..

احب همسك احب صمتك احبك حتى فعتابـك
واحب كل الحروف اللي شفاتك دوم تطربهـا ..

متى تنهين هجرك لي واشوف ايدين تتشابـك ؟
احـن لوقـت لحظاتـه تذوبنـي واذوبـهـا ..

متى تحسين في شاعر رهيف احساس في بابك؟
وقف لين انكسر خاطـر مـن افكـارٍ يقلبهـا ..

متى تحسين في عابد سجد في قلب محرابـك؟
يقوم الليل يدعـي لـك ويدعـي رب قربهـا..

متى يا زينة الدنيـا يكـون الوصـل اطنابـك
حـرام نهـد ماضينـا وعلاقتنـا نخربـهـا..

تبين الصدق لو جاني خبـر شديتـي ركابـك
وراك لاخر الدنيـا مـن المشـرق لمغربهـا ..

انا حبيت من قبلك كثير وعقـب مـا جابـك
رسول الحب عاهدته اببقـى فـي مضاربهـا ..

امانـه لا تخلينـي غريـب بيـن احبـابـك
ترى موتي انا فغربه جحـودك هـو سبايبهـا ..

امانه شتتي ظنوني تعـب هالوجـد يرتابـك
زرعتي الشك بعروقي اليـن الخـوف شيبهـا ..

تعالي حب قومانـي قريبـك دوم اولـى بـك
ترى لا جيت في مجلس ابوك وقـال اشربهـا ..

ابطلب ايدك وقلبك قبـل فنجـال يزهـى بـك
وابسمع تـم من صوبك وصلت وجاك مطلبهـا ..

حبيبة عمر شاعرها اذا هالقـاف مـا صابـك
ترى كل البيوت اللـي تعنـت لـك ابشطبهـا ..

واببقى حافظ الذكرى واصون العهـد بغيابـك
واحرم اكتب اشعارٍ يكـون الصـدق اعذبهـا ..