احلف يمين اني احبه وادري
اني بعينه صرت كاذب وخاين
يشك فيني بس لو موج بحري
ينام في شطّه بلا هو .. يعاين
يسال عن حروفي وعن لون حبري
عن اي كلمه حَس فيها تباين
لو غبت عنه ما يصدق لعذري
مسنجري مُغلق ويحلف بلاين
يا فرحته يمسك خطاي ويجري
يرمي اتهامه للمدين والمداين
لا قلت له عمري يقل مين عمري
اقول انتى قال عمري بهاين
ودّه يشقّ ضلوع ما بين صدري
ويعدّها . ون . تو . ثري . فيف .ناين
يفتح خزاينها ويعرف لسري
ويشوف قلبي كم معه من مكاين
نفسه مُنى عينه و يلقى لغدري
شلة بنات ويحطهم لي رهاين
أو بيت شعر(ن) كان ضايع بشعري
او وردة(ن) ما شافها بالجناين
ودّه خبر ياخذ حقوقه وحصري
ينشر تفاصيله على كل كاين
ودّه مع الايام يحرقه صبري
عاجبه نبقى بالخصام كالطباين
انا اعشقه واموت في خدّ قُمري
لكن تعبت امسح دموعه بفاين
احضن جنوني كل ليله واسري
نحوه وانا باقي على العهد صاين
احلف يمين اني احبه وادري
اني بعينه صرت كاذب وخاين
ليست هناك تعليقات:
إرسال تعليق