على حبنا تمر أيام

 

على حبنا تمر أيام
وإنتي يا هنـا فيني
غرامٍ كل مامر عام
أحسه يكبر فـ عيني
كبرنا أو بعدنا صـغـار
تظل أشواقنا فيـنا
مدام نحب بعض ونغار
لـ بعض الله يخلينا
..
تضيق بصـدري الأنفاس
إذا غبتي وغاب الضـي
وأحس أني وسط هالنــاس
مــثل طفل يدور شـــي
هواك بمهجتي ساكن
كثر هذا الفضا والكون
ودونك عالمي ساكن
بلا طعم وبليا لــون
..
أحبك موت أنا وأحيا
كثر ماحب أنا ذاتي
ومن شر وبلا الدنيا
عليكي كم أنا أحاتي
لأنك قطعة مني
ومايسواك عندي إنسان
أنا لليــوم أحس إني
هذاكـــ المغرم الولهان