لاصرت انا كلي حلالك فديتك

 

لاصرت انا كلي حلالك فديتك
ليه العتب والضيق يانور عيني


في ذمتي ماغيرك اللي هويتك
وماغيرك انتي بالغلا محتويني


يعني بلاش من العتب لاحكيتك
والشك ماينفع مع العاشقيني


مايكفي اني يوم شفتك عطيتك
قلبي وسلمته مغلف بيديني


اجل فديتك طالما ماحييتك
لاتشغلين القلب لاتجرحيني


انتي هنا في وسط قلبي وبيتك
حدب الضلوع وساكنتني وفيني


ضامي غلاك ولاضميتك رويتك
واسقيك كل الي بقى من سنيني


حبي جنون وذاع بالحب صيتك
يكفي ابيك وكل كلك يبيني


وانا احبك موت من يوم جيتك
والموت شفته صار بينك وبيني


يعني عشانه صار بيني وبينك
تتعمدين الضيق ماترحميني


الي بقوله يالغلا بس ليتك
ليتك تشوفي منزلك وسط عيني