اعلان منبثق

Monetize your website traffic with yX Media Monetize your website traffic with yX Media

اعلان

>>

3

2

d

الاثنين، 24 يناير 2011

صدى صوتك يهيضني على توليفة القيفان





صدى صوتك يهيضني على توليفة القيفان // صدى صوتك غشى سحره على الشاعر وقيفانه


صدى صوتك اله نبره تحرك داخلي أشجان // صدى صوتك عليه الروح يالمحبوب هيمانه


على سمعي على قلبي على بالي في كل أحيان // سوالف صوتك المبحوح عليه الروح طربانه


غرامك يسقي عروقي وقلبي يالغلا بستان // تربعتي عليه انتي وغيرك مالها خانه



أنا وأنتي لنا قصة غريبة مالها عنوان // تفاصيلً تضيع بها بيوت الشعر وأوزانه



دخلنا في بحور الحب ومركب حبنا ( غرقان ) // يعاني من رياح البحر وأمواجه وحيتانه



هبوب الوقت تجرينا ومركبنا بلا قبطان // ولازال الأمل باقي مادام الحظ ربانه



سحاب القرب يبرق لي وأناظر يمها ( ضميان ) // توجد قلبي العاشق على نوه وهتانه


متى على الله أشوفك ويجمع ربي الخلان // وعين العاشق الضامي عقب شوفتك رويانه















ليست هناك تعليقات: